Ar Ster
Na fresk ha seder
hiboud ar stêr,
na tener he frond
ha glan pa gan evnig an nevez-hañv
e sioulder ar beure ;
en draonienn ar gwez
a walc'h o fennoù skuizh e yaouankiz an heol
hag ar saout er strouezh
war veg o c'herniel a hej latar o huñvre.
Na yen ha gwenn ha glan
anal ar stêr
pa gont-hi, o hiboudiñ, da c'heotenn ar ribl
he randonennoù kuzh,
ha pa gan e glanded e ene
e-unan er beure
paotrig ar saout
o kas e loened d'ar stêr.
Na yen ha glas
dremm ar plac'h
e glasded ar geot.
Kavet eo bet e don ar stêr
daoulagad digor frank
- divuhez -
paret war-du an oabl…
na sioul ha yen
dremm ar plac'h,
an dour o tiverañ goustadik
diouzh dantelez he c'hoef pourled.
An env a dav
ha pelloc'hik
o strinkañ dour, liesliv, e bannoù an heol
paotrig ar saout a gan
noazh e kreiz ar stêr.
Warc'hoazh ivez
warc'hoazh
an evn a gano c'hoazh
e sioulder ar beure.
1963
|
 |
La Rivière
Qu'il est frais et tranquille
son murmure,
que son parfum est tendre
et pur lorsque chante l'oiseau du printemps ;
les arbres dans le vallon
lavent leurs têtes fatiguées dans le jeune soleil
et dans les ronces les vaches
sur leurs cornes secouent les brumes de leur rêve.
Qu'elle est froide et blanche et pure
son haleine
lorsqu'elle conte, en murmurant, à l'herbe de la rive
ses radotages secrets,
et que chante, l'âme claire,
seul dans le matin
le petit vacher
menant ses bêtes à l'eau.
Qu'il est froid et vert
le visage de la fille
dans le vert de l'herbe.
On l'a trouvée dans le fond de l'eau
les yeux grand ouverts
- sans vie -
regardant vers le ciel…
Qu'il est calme et froid
le visage de la fille,
l'eau tombant goutte-à-goutte
des dentelles de sa coiffe pourlette.
L'oiseau se tait
et plus loin
s'éclaboussant d'eau, multicolore sous le soleil,
le petit vacher chante,
nu, dans la rivière.
Demain aussi
demain encore
chantera l'oiseau
dans le calme du matin.
|
HANTERNOZ
Hanternoz,
aet eo pep kristen ar bed da gousket
va Doue,
na dister bagad ar gristenien !
ne weler'met tud dihun :
tud o leviañ kirri-tan
tud stank-ha-stank en trenioù
- sardined -
an ostalerioù leun-kouch
tud o redek d'o labour
tus o redek d'o flijadur
tud pres warnezho da vont da get,
Tad an dud, ho pet truez ouzhomp !
Hanternoz,
aet eo pep bugelig ar bed da gousket
nemet paotrig-mañ
skoachet aonik
o c'hortoz e dadig
e toull dor ur "bar",
hag ur plac'hig, gwallet ha gwallgaset,
o skuilhañ daeroù gwad
ouzh kalon mein ar gêr vras,
lonkerien
gwallerien
merzherien
tud, tud, tud, Tad an dud,
ho pet truez ouzhomp !
Hanternoz :
loargann
rouanez veur, yen ha mut,
rouanez c'hlan,
louargann
kened aner
n'hell ken an dud
kofoù re bounner
kig ha druzoni,
eneoù re wevn
sifr ha jedoù,
sellout ouzh da lagad dinamm :
savet o deus torgennoù ramzel
'vit en em ziwall diouzh an oabl.
Hanternoz,
d'an eur-mañ em Bro
an heol nevez-flamm
a c'hoarzh d'ar brug ha d'ar brulu
ha d'an dud,
tud daoubleget
tud aloubet
tud fuloret va Bro,
tud, tud, tud,
Tad an dud, ho pet truez ouzhomp.
New York, Gouere 1961
|
|
MINUIT
Minuit,
chaque chrétien au monde est au lit ;
mon Dieu,
comme il reste peu de chrétiens !
on ne voit que des gens éveillés
des gens au volant
des gens entassés dans les trains
- sardines -
les bistrots sont pleins
des gens courent à leur travail
des gens courent à leur plaisir
des gens pressés d'aller à leur fin,
Père des gens, ayez pitié de nous !
Minuit,
chaque petit enfant au monde est au lit
sauf ce petit garçon
tout peureux
attendant son papa
à la porte d'un bar,
et une petite fille malmenée, violée,
versant des larmes de sang
contre le cœur de pierre de la grande ville,
arsouilles,
sadiques,
martyrs,
des gens, des gens, des gens,
Père des gens, ayez pitié de nous !
Minuit :
pleine lune,
grande reine froide et muette
reine pure,
pleine lune
beauté perdue,
les gens ne peuvent plus
- ventres trop lourds
viande et graisse
âmes trop légères
chiffres et calculs -
contempler ton œil sans tache :
ils ont élevé des falaises géantes
pour s'abriter du ciel.
Minuit,
à cette heure-ci en mon Pays
le soleil tout neuf
sourit à la bruyère et aux digitales
et aussi aux gens,
aux gens pliant l'échine
aux gens usurpés
aux gens enragés de mon Pays,
des gens, des gens, des gens,
Père des gens, ayez pitié de nous !
New
York, Juillet 1961
|
|
